★★★★★

«Am Samstig bini uf de erschtä grössere Tour gsi. Arth-Goldau – Rigi Kulm – Kleine Scheidegg – Arth-Goldau

Insgesamt 1800hm bi de Abfahrt guet 1200 am Stuck, devo ca 300 Tüfemeter meh oder weniger technische Trail, de Rescht Chiis und Asphalt. D Bremsschiibe sind grossartig gsi!
Au wos nass gsi sind wegem Schnee, chuum quietsche und absolut zueverlässig und gliichmässig im Bremsverhalte!
Und vor allem sehr wenig verformig und dadurch verursachts streife a de Beläg.
Und s krassischte findi, dasses absolut kei Abnutzig a de Schiibe het. Klar sinds chli verfärbt uf de Bremsflöchi aber das wird nur Materialabtrag vo de Beläg sii!

Han 3x relativ churz hinderenand vo 60+ km/h uf 0 abebremst. Absolut kei veränderig im Verhalte!

Fazit, ganz salopp: Seeeeehr geil!!»

★★★★★

«Aso richtig imposant hets agfange. So guet wie keis iibremsä nötig. Scho bim 3. mal bremsä hends ganz normal zuebisse. Normalerwiis isch das so nach 30 Bremsige de Fall.

Nachher bim fahre isch d bremschraft grossartig, wür aber subjektiv behaupte, dass sie sich öpe ufem gliiche Niveau mit de Trickstuff Schiibe bewegt, was s beschtä isch woni kennt han bisher. Definitiv besser als unbehandleti Swissstop Schiibe!
I han natürli kei 1000+m Abfahrte chönne mache bi mier i de Gegend. Was mer ufgfalle isch, dass d Bremsä ned ganz so aggressiv zuebiissed wie d Trickstuff.
(I bin mega fan vo Ultraaggressive bremsä, kenn aber au Lüüt wo das gar ned möged – und die fahred düröich besser und ambitionierter als ich).
I vermuete dass das demit zämehanged, dass d Temperatur schnell verloore gaht und da die längere Abfahrte da ume Pipifax sind wod ned all 20m id Ise muesch het de Fahrtqind da natürli au guet mitghulfe bim abechüelä.
I bin mega gspanne wies sich denn bi längere technische Abfahrte und bi höchere Temperature verhalted wome fasch permanent Bremse muess. Bin sehr zueversichtlich dass sie vor allem denn iri Stärki usspiled!»